اليابان
أوساكا
مدينة الأكل والأضواء، وأهلها أخف دم في اليابان. Umeda بالنهار وNamba بالليل.
ليش تروحها
لقب أوساكا مطبخ اليابان، والأكل فيها متنوع وايد، بتلقى كل شي.
فيها Universal Studios وSuper Nintendo World، قلعة أوساكا، وأضواء Dotonbori على القناة بالليل.
وهي أحسن مكان ترجع منه: تذكرة الوصول طوكيو والرجعة من أوساكا، عشان ما ترجع نفس الطريق وتضيع يوم.
المناطق
- ١أوميدا Umeda
المحطة الرئيسية، المجمعات، وUmeda Sky Building.
أحسن وقت: بالنهار
- ٢قلعة أوساكا Osaka Castle
القلعة وحديقتها. ساعتين تكفي.
أحسن وقت: الصبح
- ٣نامبا ودوتونبوري Namba · Dotonbori
الأضواء، أكل الشارع، زقاق Hozenji، شارع Shinsaibashi-suji حق التسوق، وAmerica-mura.
أحسن وقت: بالليل
- ٤تينوجي Tennoji · Shinsekai
أوساكا القديمة، وHarukas 300 أعلى إطلالة. الغروب منه حلو.
أحسن وقت: العصر
- ٥الخليج ويونيفرسال Bay · USJ
Universal Studios Japan وأكواريوم Kaiyukan.
أحسن وقت: USJ يبيله يوم كامل
عندك يوم زيادة؟ Nakanoshima (النهر، متحف NAKKA، ومقاهي)، Den Den Town حق الأنمي، معبد Sumiyoshi Taisha، وTower of the Sun.
Umeda بالنهار، وNamba بالليل.
لا تفوتها
Super Nintendo World. احجز التذاكر والـExpress Pass من قبل، والـExpress Pass قبل الـDay Pass عشان تتأكد إنه متوفر بنفس التاريخ.
امش على القناة بالليل وصور لوحة Glico.
ادخل الحديقة حتى لو ما طلعت القلعة.
سوق الأكل البحري.
أوساكا القديمة وبرج Tsutenkaku، وHarukas 300 قريب منها.
من أكبر الأكواريومات في العالم، وفيه قرش الحوت. حلو حق العوايل.
وين تسكن
Umeda إذا تبي القطارات والراحة. Namba أو Shinsaibashi إذا تبي تنزل من الفندق على الأكل والأضواء.
جدول مقترح
- ١Universal Studios Japan
- ٢قلعة أوساكا، Shinsekai، Harukas 300
- ٣أكواريوم Kaiyukan، Namba، America-mura، Dotonbori
الأكل
مطاعم حلال في المدن الثلاث، مثل PANGA وHonolu وGyumon، وأغلبها يبيله حجز. وTendon Makino عنده فرع في أوساكا.
اسأل دايماً عن الخنزير في الإضافات، والكحول في الصوصات.
القهوة
- LiLo Coffee Roasters
- Mel Coffee Roasters
رحلات يوم منها
فيديوهاتي عنها
الكلمجاني
أول مرة؟ ابدأ بالدليل
طوكيو
كيوتو